നിഴലും വെളിച്ചവും ഒളിച്ചുകളിക്കുന്ന ഒരു കുഞ്ഞു വീട് | a nostalgic home

ഇത്

ഞാന്‍ അറിയുന്ന ഒരു കുഞ്ഞു വീട്!

ഇവിടെ നിഴലും വെളിച്ചവും ചേര്‍ന്ന്

ഒരു കവിതയൊരുക്കിയിരിക്കുന്നു.

ഞാന്‍ ആ വരികളുടെ മനോഹാര്യത

എന്റെ ചിത്രങ്ങളില്‍ ഒപ്പിയെടുത്തൂ...

അന്ന്, ആ സായം സന്ധ്യയില്‍,

കായലോള ങ്ങളെ നോക്കിയിരുന്നപ്പോള്‍

നീ സ്വപ്നം കണ്ട വീടിന്റെ സൌന്ദര്യം

എനിക്കനുഭവപ്പെട്ടു ഇവിടെ.

നിന്നെയും അതെനിക്കു കാണിക്കണം

എന്നു തോന്നി!

ഞാന്‍ പങ്കുവെക്കുന്നു .

_______________________________________________________________________

മണിചിത്രതാഴിട്ടഈ വാതിലുകള്‍

ഞാന്‍ ചെന്നപ്പൊഴേ

പാതി തുറന്നു നില്ക്കുകയായിരുന്നു,

ആരെയോ പ്രതീക്ഷിക്കുന്നപോലെ.

അടയാത്ത വതില്‍ പാളികള്‍ വിരുന്നുകാരന്റെ മനസ്സില്‍

വസന്തകാലത്തിന്റെ വരവറിയിക്കുന്നആദ്യത്തെ പൂമൊട്ടാണ്‌

എന്ന നിന്റെ കവിതാ സങ്കല്‍പം

ശരിയാണെന്നെനിക്കതുകണ്ടപ്പോള്‍ തോന്നി.

_______________________________________________________________________

ഇതു സ്വീകരണമുറി.

ജനലിനപ്പുറത്ത്നിന്നും വരുന്ന സൂര്യ കിരണങ്ങളെ

ഒരു ഓറഞ്ച് നിറമുള്ള അരിപ്പയിലൂടെ

അരിച്ചെടുത്ത്പോലെയാണി മുറിയിലെ വെളിച്ചം,

കണ്ണെത്താദൂരത്തോളം പരന്നു കിടക്കുന്ന

നെല്‍പാടങ്ങളെ തഴുകുയുണര്‍ത്തുന്ന

പ്രഭാത കിരണങ്ങളുടെ നിറച്ചര്‍ത്ത്പോലെ!


_______________________________________________________________________

ഇനി ഒരല്‍പം വെള്ളം കുടിച്ചിട്ടവാം സംസാരം.

ചില്ലിട്ട ഈ വൃത്താകൃതിയിലുള്ള ഊണ്‍മേശയില്‍

ദാഹശമനിയിട്ടു തിളപ്പിച്ച് ചൂടു തണുത്ത വെള്ളം

സൂക്ഷിച്ച ജഗ്ഗില്‍ നിന്നും ആവശ്യത്തിന്ന്

വെള്ളം കുടിച്ച് കഴിയുക്കുമ്പൊള്‍ ദീര്‍ഘയാത്രയുടെ

ക്ഷീണം എവിടെയോ പോയി മറയുംന്നതായി തോന്നും.


_______________________________________________________________________

ഇരുന്ന് സംസാരിക്കാനിത്ര നല്ല ഒരു സ്ഥലം

വേറെ എവിടെക്കിട്ടാന്‍...

ഈ പടികളിരുന്ന് അഥിതിയുടെ സംസാരത്തില്‍

പങ്കെടുക്കുന്ന ആഥിതേയന്‍,

 ഒരു പഴയ വീടിന്റെ സുഖം നുണയുന്നുണ്ടാവണം.

നിനക്കും കൊതിയാവുന്നില്ലെ

ഈ കോണിപ്പടികളിരുന്ന് സംസാരിക്കാന്‍?


_______________________________________________________________________

 

നടരാജശില്‍പം.

 പലതവണ പലസ്ഥലത്തുവച്ചും കണ്ട്തുതന്നെയാണ്‌.

എങ്കിലും ഇപ്പോ വീണ്ടും കണ്ടപ്പോ, എതോ കൌതുകം!

ഒരു പക്ഷെ പുറകിലേക്കു വേഴുന്ന വെളിച്ചമാകാം

ഇതിനൊരു പ്രത്യേക ഭംഗി നല്‍കുന്നത്.

_______________________________________________________________________

 

അടുക്കള.

ഗ്യാസ് സ്റ്റൌവിനപ്പുറമുള്ള ജനാലയിലൂടെ

ഉള്ളിലേക്കെത്തുന്ന ഈ പച്ചപ്പ്

ഗ്രാമീണതയുടെ ഐശ്വര്യം തന്നെയാണ്.

 ഈ അടുക്കളയിലെപാചകം സ്വദേറിയതായിരിക്കും.

എനിക്ക് ആ കാര്യത്തില്‍ സംശയം തീരെയില്ല!

_______________________________________________________________________

സ്റ്റെയര്‍കെയ്സിലേക്കു വെളിച്ചം കിട്ടുന്നതിന്നായി

നേരെ മുകളില്‍ ചില്ലിട്ട ഒരു ജാലകം.

നേരിട്ട് വീഴുന്ന സുര്യകിരണങ്ങള്‍, കടുംനിറമുള്ളചുമരില്‍,

ഒരു പ്രകാശധാര സൃഷ്ടിക്കുന്നു.

നിന്റെ സ്വപ്നങ്ങള്‍ക്ക് നിറങ്ങള്‍ചാലിച്ചെടുത്തതുപോലെയാണ്‌

ഈ വീടിന്റെ ചായക്കൂട്ടുകള്‍.

എവിടെയൊക്കെയോ തങ്ങിനില്‍ക്കുന്ന പ്രകാശത്തിന്റെ

 ഒരു പുഞ്ചിരി,ആ ചായക്കൂട്ടുകള്‍ക്ക്, മനസ്സില്‍ പതിഞ്ഞ

ഒരു പഴയ ചിത്രത്തിന്റെ ബാക്ക്ഡ്രോപ്പിനോട്

സാമ്യം തോന്നിപ്പിക്കുന്നു.

______________________________________________________________________

ഒരു റീഡിങ്ങ് റൂമിനു വേണ്ട

വെളിച്ചം മാത്രമെ ഈ മുറിയിലേക്കെത്തുന്നുള്ളൂ.

ഒന്നമത്തെ നിലയിലായതിനാല്‍

താഴെയുള്ള ബഹളത്തില്‍നിന്നും ഒഴിഞ്ഞ്

വായനയില്‍ ശ്രദ്ധ കേന്ദ്രീകരിക്കാം.

എല്ലാംകൊണ്ടും,

പുസ്തകങ്ങളുടെ ലോകത്തിലേക്ക് പോവാന്‍പറ്റിയ ഒരു അന്തരീക്ഷം!

_______________________________________________________________________

പ്രകൃതിയിലേക്കു തുറന്ന ഈ മട്ടുപ്പാവായിരുന്നില്ലെ

നിന്റെ സ്വപ്നഗൃഹത്തിലെ നമ്മുടെ ഏറ്റവും ഇഷ്ടപ്പെട്ട സ്ഥലം.

തോരാതെ പെയ്യുന്ന ആ മഴയിലേക്കു നോക്കിയിരിക്കാന്‍

നീ ഏറ്റവും കൊതിച്ചിരുന്ന ആ ഇരിപ്പിടമല്ലെ അത് ! 

മഴത്തുള്ളികള്‍ തെങ്ങോലകളില്‍ വീഴുന്നത്

നിനക്കിവിടെയിരുന്നല്ലെ കാണേണ്ടത് !

പാതിയാക്കിവച്ച പുസ്തകം കയ്യില്‍പിടിച്ചുകൊണ്ട്,

കാറ്റില്‍ പറക്കുന്ന മുടിയിഴകളെ ഒരു കയ്കൊണ്ടൊതുക്കിനിര്‍ത്തി,

മഴയാസ്വദിക്കുന്ന നീയായിരുന്നു എന്റെ മനസ്സില്‍ നിറയെ,

 ഈ ഫ്രെയിം ഞാന്‍ പകര്‍ത്തുമ്പോള്‍.

നിര്‍ത്തുന്നു..

സ്നേഹത്തോടെ,

ഞാന്‍